بين ضلوعنه امتدت كل حسرة تعثر الآه

واتجفل نفس مخنوگ يهذي بلا وعي الاحاه

نضوك بلذ حچينه غروب

متحني يجيه الليل غفلة.. بدون ما ننخاه

ويرتل ونين الشوگ… محمية بگايا عيونه بملگاه

ليش انباگ غفلة بيوم

حلم البچذب عشناه

ليش بخوف داريته عمر مگيود

ما ردناه

بدروبك زرعنه الليش.. عشرة تخضر متاناه

ورچينه اعله چف الآخ… ونة مستحه مناجاه

بينه هواي شيب ضيم.. وبينه هواي ما گلناه

وبينه مرادف الدمعات الك

بالضحكة داريناه

وسوالف بردت لملگه رچيچ وضاع بي محلاه

وصفنة خد حضن مگفه گبل ليگول جافيناه

وچلمة هيل تطعن من تفز بظنونه لذكراه

لون يتوه بساعه الملگه ويخضر شوگ لو شفناه

سواد گلوبكم تيه بياض گلوبنه وعداه

وتعدينا عمر چذاب بين جفوفكم ردناه

فرض شوفتكم بكل حيلنه المغتاض نتحاشاه

ظليتوا بطرگ حسرة اعله صم خيال ما عفناه