* ريسان الخزعلي

ظلام ايطوف../

وابراسك حلم /ثكَل النبوّة..،

ابلا شمس يضوي.

ظلام ايطوف..ظلام ايشوف../

وابروحك كَمر يمشي..،

ياصحو الحلم ،ياحلم الصحو..

كل الصحو..كل الحلم..،

/كَبلك ما خطر بالكون..،لا مكتوب ،لا مقري../

…..

ظلام ايطوف..ظلام ايشوف..ظلام ايحوف../

وابليلك اشموس..،

ابلا سمه اتحوف الضوه البعيونك ايصلّي.

……

ظلام ايطوف..ظلام ايشوف..ظلام ايحوف..ظلام اسيوف../

سيفك عالفرات الجسر والماي

واجفوفك فراتات ابأصابع ماي

ثكَلان العطش بالماي ،ياماي

ليهسه الحياة..،

ابغير دمك ما تعَرْف الماي..،

هذا الماي..!!..،

دمك بالنهر يجري.

……

عتكَ كلشي..،

او عتيكَة ادموعنه التبجي..،

ولا تنفع بواجيهه.

بس انتَ الزمن باسمك فلا يعتكَ..،

انتَ امراية التاريخ..،

وانتَ الضوه المر بيهه…