* كريم القزويني
أمد روحي جسر للوطن والناس
ارش جرحي ملح ومناطر الليل
أنا عندي وطن اسمي انا اسمه
نگص چفوف إيده اليغزي بغداد…
اذا احنه ادينه صدگ عجزت…
اكحيلة وتصهل الخيالها الغار…
كلها اتحزمت وتريدنه انموت
نريد إحنه وطنه مثل الأوطان…
تتعبون الوطن يتقسم إتلاث…
لاشيعي. ولاسني. لاكرديي. ولاعربي
شي قسمة الوطن متصالحين إحنه
ولا مره لبسنه العار بس إنتوا
نخوتنه الشوارب نخوة الكرار
مجنون اليگول الكوفه نوصلها..
منصوره البيارغ خرخشت دوم
سحگنه الموت مرة او الف مرة
على چف المنايا إتعنه للموت
ما همنه رفيف الموت والدم…
وصيرن ذيب أمعط ما جفل يوم
ولا أغفه ابحضن عارك يا جيثوم
ولا أغفه ابحضن حلمك يا جيثوم
عراق او ما تغير اسمه لدوم
إشما كثرت علينه اسيوف هل گوم
السعف هوة اليعارك يمطر اسموم
تشگ الريح متعنيه لجل جچ يا كلثوم
ولا چنه عرب وتريدنه إنسوم
خالي امن الأرهاب او طيرته اتحوم
يظل واحد علمنه صورة البوم
لا صبي. تركماني يزيدي اصل هل گوم
خيمتنه وطنه انعارك السوم
ليستوا العار الأسود واحنه أهل زوم
من خيبر علينه هو اليحوم
لو خطوة اجدامه اتوصل اعلوم
تظل باسم الحسين الهوسه وتدوم
بس احنه چفنه خضر اسموم
هاذه احنه شعبنه شعب معلوم
شفتنه اشطوط تجري ادموم ودموم
