* مالك القريشي
جنيت وياي يسمر بعض الذنوب
ويم الناس اگولن اغلى محبوب
ذنوبك حيل صعبة افراگ بفراگ
وتدري الغيبة كلفة تحش الگلوب
يا ذنب الجنيته تعوفني تروح
وتدري انت طبيبي التشفي الجروح
اذا زعلان مني شنهي الاسباب
انا الما زعلك يالخالي العيوب
تعبت وياك اداري سنين بسنين
حبيتك ولا خنتك ولا دورت الدروب
بدونك طير آني وجنحي مكسور
اطيب بشوفتك صدگ وبيك اذوب
بعد ما بيه حيل الزعل مرفوض
وبعد ما بيه حيل لهجرك النوب
اذا تنكر ودادي اطك وانهار
بودادك ميت حي صرت مصيوب
اذا تنكر ليالي العشگ والشوگ
يعني العشرة ناسيها فرد نوب
اذكرك بالدموع السالت سيول
وعلى اغيابك تغير لوني مشحوب
ما عندك ذنب بس الغيابات
بس تدري الغياب بداخلي حروب
تره عيوني عمت كافي اصبر سنين
بعد لتغيب الغياب يفطر گلوب
اتمنه دليلك وي دليلي طباك
ونعيد المضه ونتشابك نذوب
