* علي الخفاجي
تعال الليل وشل وانته ماجيت
تعال الجفن بعدك زاعل النوم
اكود بروحي كوة وعلي بفراك
خرجه الحال صاير من الهموم
موبس عيني شكهه الدمع بجفاك
الدمع بجفاك شكك حته الهدوم
كوم تكلي واطلع ومشي مرتاح
المفارك ولف مايكدر يكوم
تعال الخاطر الله الخاطر الليل
الكضيته وياك كاعد واحسب نجوم
الكضيته وياك حسبه وحسرة واهات
الكضيته وياك تضحك واني مهضوم
على كلن تعال وعوف الاسباب
حيل الشوفتك ياخلي محتاز
شماته هواي يمي ومايرحمون
حته الجبته اليه عليه ينحاز
حسرتي عليك تطلع تخنك الريح
بحيث الريح كوة عليه يشتاز
اليمر ويشوفني يشيل ايده ويكول
الله يعين حاله مفارك عزاز
