حبك ياترف خلاني اكتب شعر
وكلبي الغيرك ابد مارف حنينه وشعر
تلفان ظليت وشاب الكلب والشعر
ابحر الهموم اغركت وانته الفرح من هلك
بالروح ماظل صبر راح اخطفك من هلك
اسأل الحبوا كبل من الناس منهو هلك
عكب الدلال اصبحت بصحراء وبيت الشعر
*****
لليحب والمايحب وللي يضد مايلي
جفي اعتنه الطيحتي محد عدل مايلي
تانيت بس مااجه عمره الفرح مايلي
وخلي واذا مااجه مابينت خلته
اني الليالي الحزن اكثر صبر خلته
خاف الشمس غشته وجو النجم خلته
شيكول غيمة صفه اني النهر مايلي
******
اسألني واني اخبرك علي يره ومايره
وعن ياجفن يانهر علي يره ومايره
والسيف يشهد غداً علي يرة ومايره
وعل ماهو والوهوه وعل مايطول وطال
وعلي فجرهم جفه وعلي فجرهم طال
مانعتب اعله الذي ماطال كلشي وطال
لكن عتبنه عتب علي يره ومايره
********
برمضان هجرك تبت سحرت كلبي فصم
وحنضل بعد غيبتك خلصته صماً فصم
يالفاركتني الظهر بيدك فصمته فصم
وماتنحمل غيبتك بحبال كلبي جرت
خلص دمع ناظري وعيني بشحمها جرت
ارد اسأل العارفة هم اعله واحد جرت
اعثوك اكو بنخلته بس ماكو كلها فصم
******
يفلان هم العلي كاع ويطكها كرك
ولاتنتخي بكل بشر لو راد دهرك كرك
اشما تتعب ويه الردي رايح يصاحب كرك
وثق لوطحت بالعسر بيك النذالة شفت
وجروحي صبخة وتنز لالاتظنها شفت
يالمنكسر خاطرك هم مثل هاي شفت
ديج ويعوعي الوكت عالبيض خلا كرك
