* الراحل محمد عزيز كاندو
” ايتها الجميلة .. يا كل كلمات الحب العذري الملتصق فوق أجنحة الفراشاة ..”
لتزعلين ..انتي هنا
ِسوَه اتدكين انتي اوياه
واذا جاسج بَردْ يرجف يصيح اشّاه
واذا جاسج الضيم ايصيح يُمّه احاه
بس انتي الوصلتيله اوعرفتي ادواه
ياثوب الدفو يمتعّب البزاز
اويم طول اليحّير نظرة الرواز
ياخرزه اوسعرهه امضيّع الخراز
ضميني عمر مادنكت للضيم ضميني
اودفو البردان يالون الثلج بهداي دفيني
يسنين التعدت تعبر اسنيني
يالب المعزة والاجه والراح
يامفتاح روحي المالكت مفتاح
ياكل الملح يانسمة القداح
يشباج العليه الناس تتوازه
يارزقي الاجاني ابساعة العازه
ياثوب القديفه النفك البازه
ياملح السماوة اوغربة اعزازه
وحك متنج الشايل شارة اجداده
وحك وجهج الشايل كل ضوه الساده
وحك عينج التنطي اليطلب امراده
وحك كلمن يزور اوياخذ الراده
ياثوب الكريم البلبس وافي
يرمان السماوة اليصبغ اشفافي
يبير البادية الكلش حلو اوصافي
ياصوت العتابه البكلب دافي
تمنيته يجي اويشوفج ابعينه
يزينه اتفرعت من شجرة الزينه
يدين العله الناس الماوفت دينه
اوعمت عين السنين الباكت اسنينه
