* ريسان الخزعلي
*وين الكَاك..؟
واين الكَاك وانتَ الطيف ؟../
من تنحَب..،
من تحلَه الك جيّه..تروح ابساع .
وين الكَاك..؟
يالسرّك نهر..، بس يانهر../
يمشي ابزمن ،موش ابكَاع
كلما بيك من ريحة الملكَه..اوداع
ولا جَنّه شراكة..،
ابشدّة الريحان والنعناع
اشما ضاكَ الخصر بالشد..،
نفل ارواحنه ابرفّة هواك اوساع
……
كَبل تنجاس بإصبع والثياب اكَصار..،
هسّه اذيال ثوبك مايلوحه اذراع
كَبل ماي الشريعة..،
ابشوفتك طوفان..،
واعيونك لعبهه اشراع
واظن ترس الحلكَ..،
من كَتلك احبك مو ثلث ترباع.
…
وين الكَاك..؟
آنه ابلا كَلب عديتني ابخلكَك..،
واكَول الكَاك بمراية كَلب ماضاع.
موش آنه..،
انتَ ابلا كَلب..وامنيلك تلكَه كَلب ينباع..؟!…
