* الطفل الموهوب محمد جهاد

العراق بخيت وبراسه الف شارة

والياذيه لابد تنهجم داره

من الفردوس مخلوق النخيل البيه

ومن جنة عدن مخلوقة اشجاره

شجاع وشهم حر… ويشهد التاريخ

والاحرار وأهل الغانمة أخياره

شيعة.. وسنة.. والاكراد والتلكيف

ويزيدية ومسيح وصابئة أنصاره

اليگولون طاح وبيه ما ظل حيل

ذوله وداعتك يا استاذ عياره

اذا ناداه المنادي ابساحة الميدان

ركضت للمنايه ازغاره واكباره

اليريد ايشوف كتلات العراقيين

والتاره يهد وينثني تاره

يظل راس العراق بكل وكت مرفوع

ما دام الغياره البيه ثواره

ناسه اتزيد لو كل ثانية تفجير

واجيوشه تظل جيوش جرارة

يخوفون الاسد من هجمة الفيران

وهم شفتوا اسود تخاف من فاره

رجال اتعودوا جيش العده يخلوه

من بغداد لليابان طشاره

حذاري من الأسود بساحة الميدان

من طيبين ينگلبون جزاره

العدو يعصرونه مثل الخوخ والرمان

بحوافر خيل موش ابوسط عصاره

واليغير على أرضهم ما يشوف الخير

غاراته يردوهه بألف غارة