* حميد الموسوي
من زعلچ بغدادنه
وزعلانة.
من زعلچ ؟
زحمه نشوفچ بالحزن
غرگانة .
وليلچ ظلام وناسچ وي همومهه
سهرانة .
گومي التعب لایاخذچ…
يامهرة .. يكحيلة وطن
يالما تذل وكت المحن .
زيحي التعب لاتگولین
تعبانة .
حطي إيديچ أبید الشعب
ثوري على من تعبچ
وإعيون ولدچ تحرسچ.
أرواحهم فدوة إلچ .
لاتبقين حيرانة .
نامي بگلوب إلحبتچ
بس ثوري من فدوة إلچ !!
خوفي السهرلا…..ياخذچ
لاتظلین سهرانة .
الباگوچ یابغدادنه مو من هلچ..
گوه ینسبوهم إلچ
يمته تدوي صرختچ !؟
تدوي بوجه من هدمچ .
گولیهه یابغدادنه .
غربان سود الحاطتچ..!
غربان من ديرة غرب…
موديرتچ.
گولیهه یا بغدادنه .
وکلمن یحب منذورإلچ .
لاتظلين زعلانة.
هذا الزعل ميلوگ إلچ
لاتظلين زعلانة.
