* زهير الدجيلي 

أرد  أجيكم .. 

يمكن ألگه الشوگ ذاك اللي عرفته ؟!

أرد أجيكم .. 

يمكن ألگه الوفه ذاك اللي زرعته ؟!

أرد أجيكم .. 

يمكن ألگاكم بعدكم 

ما تضيعون الهوا والوفا والحب 

أرد أجيكم

عازت أيامي فرح وتريدكم 

وهاكثر گـلبي يلح ويريدكم 

وأعتب عليه وأگول له الليل عده 

وما أظن تلگـاهم بذيج الموّدة

يگـلي روح .. 

ولو رحت يا گـلبي هم تنفع الروحه ؟ 

يگـلي روح ..

الطير من يبعد يزيد الهجر نوحه 

أرد أجيكم

أرد أجيكم

بعده فوگـ الخد يلالي الگـمر لولا ؟ 

بعده مبسم ورد ثغر السمره لو لا ؟ 

بعده ملگـاكم نهار يزيل هم الليل عني 

بعده لو لا؟

مرتين الشوگ خلاني أمر ملهوف ملهوف 

ومرتين الدار خلتني أحس بالغربة والخوف 

ردت اشوف اشصار واللي جرا عدكم 

ويمكن الگـاكم بعدكم على ودكم 

شفت عشر وجوه غربة

وهاكثر عيني تمنت كون ماشوف

وسفه يرخص حبي عدكم 

وسفه يذبل وردي عدكم 

وسفه تتبدل الدنيا 

تصير ونسه ولعب عدكم ! 

وهاكثر عيني تمنت كون ماشوف