* كاظم غيلان
كالولي تندم ؟؟
كلت: لا ما أندم
ماظل بعد بالدنيه شي يسوه الندم
حته أندم
كالولي: تحلم؟
كلت: لا.. شحلم
إذا حته الحلم شرطي
بعد يمته أحلم
كالولي : تخسر؟
كلت : لا… لاناكة عندي ولاجمل
عندي سكف واحد
ومن كثرالحروب أتهدم
كالولي: لتلف وأتدور
شفناك بأول ابتدائي ونته ترسم أطيور
: صح.. آنه رسام أطيور
وهاي الطيور:
أمي، وأبوي، وأصدقائي الشهداء..
الشعراء.. الأنبياء..
الهور.. والحر الرياحي والجنائن وأور
اتصدكون .. كل هاي اطيور ؟
كالوا: إذن وياك رسام الطيور ،
الآن ننهي التحقيق
دلينه بس عالدوخك
واطلب اشمتحب وتريد
كلت: الفرق بين الحسين ويزيد
