* كاظم غيلان

أرد أوكف آنه بسره الثورة

وسره الثورة أحله سره 

ياسره الحفاي .. والعشاك.. والطيبين 

صدكني سراك أحله سره

آنه وديت الورد لاحله حديقة 

والنذل وده الحلم للمكبرة

ياسرانه البيك راح العمر كله 

من أجيتك 

مالكيت أحد ابدربي

بس لكيت ألنذل يبنيله اعله دربك 

مجزرة ابصف مجزرة 

ومن عشكتك ..

كلبي سويته قلم 

واهمومي صارت محبرة 

ياسراي.. الساري بينه 

وساري بالنافورة 

والشجرة الزغيرة

نزلت كل السطوح اتبوس دربك 

وانته دربك حضرة حلوة

امعطرة 

ولو زعلت أوياي 

هاك.. آنه أفتح ايدي

انته المعلم..

طكني باول مسطرة