* عبد الرحمن الأبنودي

لسه ما شبعتش طوافة

 ياللي بتطوف من سنين

 لسه ما كرهت الليالي ؟

 لسه ما شبعتش مشاهدة.. ؟

 يا قمر .. حالك .. كحالي..

 ضيعونا .. بالمعاهدة

 *** 

يا قمر .. هدوا قبورنا

 واستباحوا اللي ف صدورنا 

دمروا قلوبنا ودورنا

 حقنا أصبح خرافة

 وضعت يا بلدي الأمين

 يا قمر .. تصعد في “يافا” 

تترمى في “بير ياسين”

 *** 

عالزاتون والبرتقالة

 ارمى ضياتك أمانة

 احنا يكرهنا اللى خاين واحنا ..

 تكرهنا الخيانة يا قمر..

 وغيوم بتحجب دمنا ..

 لما يسرسب دنيا ..

 تحترم اللي يغلب

 حتى لو شيطان لعين

. يا قمر بشَّر في “يافا”

 واتصلب في “دير ياسين”. 

*** 

يا صبور ..

 الصبر واعر

 للدماغ..

 وللمشاعر

 قلبي ندل وحزنه داعر

 ليتني ما كنت شاعر

 كنت أفلت م الكمين

 صرختي بتموت في همسي

 ليتني ما غادرت أمسي

 ليتني ما صاحبت نفسي

 ليتني ضميت خوامسي

 يوم ما أقسمت اليمين

 يا قمر 

عاشني في “يافا”

 واتقتلنا في “دير ياسين”

 يا قمر..

 خدته ليافا..

 خدني هوه.. لدير ياسين