* حذام يوسف الطاهر
أكتب لك رسالة ومدري توصل لو تضيع بيادرب
أرد أبشرك بالعراق وهو يجتاز الصعب
كلنه ندري شگد چنت تهتف تنادي للشعب
شگد چنت تتمنه لو كلنا نسير بهالدرب
بس المنه خاف و ويه أول عاصفة وطّه وهرب
والمنه ما يگدر يكابر بقه متحمل ذنب
لكن الناس التحب عطر العراق عدّت الوان الصعب
نهر دجلة والفرات وحبه للعشاگ
عادَل الدنيه بوطن گاعه ذهب
مبادر يعرف يعدل المسيرة
عمره ما ملّ العمل ولاهزه التعب
أبشرك ياوطن للناس ياطعم الفرح
مدني وعاشگ لگاعه رافض لكل الچذب
