* ناصر الثعالبي
لا تكولي روح
وتودعيني
والله متعودة
عليج اعيوني
حتى طيفج من يجي
وانه ابصحو
اغار من تطبك عليه
اجفوني
لاتكولي روح
ما يسوه العمر
انا بايامج اعد
اسنيني
صحا جرحي
من لمس جرح الفجر
اونامت ابراسي
جنون اظنوني
وين نتلاكه ؟
شفت جف الوكت
فوك عيني
ايلوح اوينعيني
لا تكولي انتظر
ماعندي وكت
شايل اجروحي
ابصمت تدريني
العشك يا خذني
وانا بليه عشك
شوكي يكفي الناس
ما يكفيني
من يحط جنح الندى
فوك الزلف
انا كطرة ويه الزلف
تلكيني
لاتكولي روح
ما توسع الكاع
لو نسيتي معاتبي وتنسيني
خاف ياخذني افراكج للكبر
اتعارك ويه الموت
من يلفيني
ادري كربت روحتج
يم المزار
الجان بيام العشك يرويني
وانا الوي الدهر
لو مرة لواج
وادري دهري ابد ما يلوني
امودعه الله
لويشط بينا المزار
اخذي ذمتي وياج
لا تبريني
