* عبد صبري
يا كلب سل
شتريد منهم
دوم عله الوطن
شايل الهم
الوطن ضايع
وضاع من اديهم
والشمس غابت
من وراهم
دمعت عيون البدر
من خيانتهم
هذي مو أطباع أهلنه
ولا شيمهم
احنه خلينه الغريب
ينزف بدمهم
سل يا كلب سل
شتريد أوصفهم
مثل عيون الغواني
ولصوص ديرتهم
النفط منهوب رايح
على جيوبهم
والشعب محتار
بس محصل مصايبهم
هذا يا زمن طفوف
صارت بسببهم
الغريب عدهم جنه
من اهلهم
والشرف ضايع
والحرة انباعت بدراهمهم
كل يوم الأجنبي بالوطن
شايل علمهم
صار الوطن مرداس
لكل طامع بأرضهم
واه يا وطن منهو
يرفع الرايات ويردهم
وعلى كل قطرة دم
يا يمه نحاسبهم
وترد شمسنه الغابت
كله بسببهم
يمه يا يمه نهرين وجبل
والهور يصدهم
لا وين يالبايع تربة الزينين
ومساجدهم
لا وين يالمهدم كنايسنه
ومحرك مراقدهم
لا ارض تحميك ولا سمه
يومن تلاكيهم
واه يا وطن الدله
والرطب والعنبر أكلهم
أيقظوها فقد دنا
الشيطان منا ومنهم
يا وطن امسح دموع العين
من فاركتهم
يمه يا يمه بديرة غرب
جني أحسهم
أيقظوها فنحن من كل طيف
الحب رمزهم
سل يا كلب سل
العتب خلصان يمهم
منهو اليسمع ونتي
ومنهو اليغير سيرتهم
السكتة صارت طبعهم
النايمين على ذلتهم
يا يمه شلون أفززهم
