* سفاح عبدالكريم

ممشاك خطوة نهر مهزوم منه الليل

صوغة اتراچي او مهر وأغنية او هِمّه او حيل

من تضوي آنه اشتعل..

– ، ينفض اغبار التعب،

مِزناتك ابكل جرف، تروي العطش بالسيل

هيه استحالة عمر يا وطن يا بو الخيل

خضره الأغاني التجي إمعطرة إبريحة هيل،

الوحشة التجي إمسيرة،

بارودها البيه ورد،

، من السواتر كحل

، چا شنهي واشعطلك،

يا فرح، يا بوسة..

، عايز ترافة محب تدريني، صحوة حزن أتلمس اعطورك

عايز طيور الصبح منتشيه من هورك

الشوگ بيه كبر وانهزم بيه زورك

مشوي ابظهري الخبز وآنه ابوكاحة عشگ

واللوم والمعذرة لآخر مطاف اليحب،

الدنيه سفرة عمر والذاكرة إمعشبة

ما بيها دورة چذب وامبسمرة إبخشبة!

واشگد بعد ما شفت چني زغير واحب

خطار آنه ابحسرتي ما عندي بعدك لعب

آنه ابخضار النخل والشيص ما ينحسب

شاحچي بعد يا نهر…. يا عرس…. يا گذلة

كل محبس إبخنصرك يضوي ابوسط دهلة

من اسرح ابعالمك بسكوت أتحلـّه!

لا تنهظم عالجري…

دورار طبع الوكت.. من مر الى أحلى

هذي سناين طبع.. بالبوسه  أتحلـّه