عاش صوتك..

نغمة وابقيثار صايغ…

فوگ مركاض الزمن من خيل او سباق

عاش صوتك

من بقه امغرد  على التمثال  يصرخ يا عراق

اتدور بيك الارض حسرات وأغاني

غابة والتف العشگ بيها جذر ساق بساق

عاش صوتك  من بچه ابساعة الغربة

وانته جدرانك.. إمهشم بالعذاب

او صار نبض الگلب يمطر للنخل والغيره باب

انته شايل ضيم غيرك، والجسد حلمان بايام الشباب

انته متحزم ابروجة ماي نهرك

غاير ابموج البحر… ما بيه عتاب

اشما تهب عالروح صفنّه

اتروح بيها ابزود فيضك وانته عينك عالفرات

الگمره شارع والضوه النجمات واللهفه سواجي..

تغفه بعيونك بساتين الشواطي..

او ينهض ابطولك حّس وطن يكتل الظلمة

خطوة.. خطوة

والمسافة اخيوط تلتف بالمشي ابصحوة الهمة

تنتهي الدنيه ابشناشيلك جوّاز!

اتقبل اخيوط الشمس حتى ابصلاتك!

“الشمس اجمل في بلادي من سواها والظلام”

هذا صوتك عاش بينه او بالزمن حضرة إمام

علمتنه الشعر ثورة و مغفرة و دم يراق

عاش صوتك من بقه امغرد على التمثال يصرخ يا عراق