أشو طالت وأظنهه اطول ما تخلص
وماجه عالمطاوي الغزل واتخلبص
أخاف إظّل مثل ما چان غيم إبغيم
مغبرة والتراب إيزود ما ينگص
أشو طالت يصاحب والدرب عاثور
وظل راخي الغزل والمغزل امخلبص
ظلمة إمچلچله منها العگل يرتاع
وصار الحل صعب ما ينفل وعصعص
وكل واحد توقع موته يم رجليه
من تخطيه فاله بالشبچ ينشص
بالعبوات ماتت أبرياء الناس
وكاتم صوت بالطيبين ظل مختص
وإجت داعش علينه بالاعلام السود
مذهبهم يحلل بالارگاب الگص
داعش من غزت إلهه گعد بالبيت
الگعد باع الوطن يا وسفه بالارخص
إهوايه الرحبوا ابداعش امكيفين
وما حسبوا إحساب الشرف من ينگص
وشيوخ الكتل غمضت عين وعين
وإرجال السياسة بدت تتملص
جزه حده الصبر من باعوا النسوان
أظن كاس الحمية اتبده لو خلّص.!!
