* محمد عبيد النعماني
حط بالك وراك سنين حط بالك
بس ارجع واگولن اوف هنيالك
شوف أمك تدلل بيك وشمحلاك
وانت بلا وعي متبسم لحالك
وتغفه من تلولي وليل يعگب ليل
وبس على صدره النوم يحلالك
مكسورة ظهر تسهر تلاعب بيك
تناغيلك تغار عليك من حالك
تغنيلك تشمشم بيك وتداريك
وتلاشي ببوك اتگله هنيالك
چم نذر بنذر تنذر عسالك اتطيب
لو صابك وجع تدمع وتبرالك
هِدِم بعد الهِدم تغسل ترد وتبوس
وتحط الخضرمه بگصتك وتنخالك
وتگلك ذخر اضمك لو يمرني الظيم…
وبس تكبر تعبه يروح من بالك
