* محمد مخيلف
توهه تحلم توهه تضحك
حتى مــــا تعرف تضوج
طفلة طفلة
وگمطوهه ابدله بيضه
وشايب اكبر من ابوهه
مد ادينه وجرگصيبه … والمصيبة
دزت اعتاب بقصيدة لامهه گالت:
يمه سوده بوجه ابوي
الوافق انزف اعله موده
يمه سوده يمه شفته من الجگاير
لعبت نفسي وبچيت
يمي عيني بعين الله
وعيني الأخرى بعينه صارت
دنجت راسي استحيت
بويه گتلك وصخ دنيا
بويه لمه شما تلمه ما يعمرلك ترافة
اني اعرف يمنه شاعر
عنده ورقه وعنده بيت
بيت شعري اعله المنصة
بيت من گد الترافة حتى حيدر گله عيد
اني طفلة وعندي مبدأ عكس ابوي
الوردة من تسگيهه نثيه ايخضر بريحتهه شاب
الصفنة من تصفنهه نثيه تحلم بفارس اصيل
تحلم بفارس اصيل وماتريد فلوس منه
حتئ لو يملك صريفة
بس شرط بيهه امنيات
بيهه تعشگ من صدگ مثل البنات
وبيهه نحلم من صدگ نلگه حياة
وبيهه نلگه وكلشي نلگه
نلگه خاتم للزواج
نلگه انسان ابن اوادم ياخذ الوردة
بستر
ياخذ الوردة بحنان
ياخذ الوردة بدلال
ياخذ الوردة بلطف
وانت ماعندك ترافة شلون تلگالك ترف
واخر حچاية لأبوي
شوف نفسك بالمراية
وغمهه زين
قصدي خل هي تغمك
ومن تكمل غم نفسهه
وگلهه وردتنه تگلج بعد ما امشط عليچ
