* ميسون نعيم الرومي
تاهت هذي الدنيه اوبينه
دمعه اوسالت
ذله اوطالت
عمر الضاعت بيه اسنينه
ذبحو بينه كل العينه
دم اتطشر وينه اووينه
متنه ابحبك
اسمي اباسمك
ماچن ابگاعك واربينه
حيف اعلينه اهوايه انطينه
***
نار ابگلبي اتوج اتحرگه
جرحي امخزن
ضيم امشكبن
جمره اوتچوي ابنار الفرگة
غصه اوتحرگ لهبه اوشهگة
حس اوضايع خنگه ابشرگه
ساكت شعبي
أشكي الربي
جرده اوصارت مامش ورگة
وسعه اوضاگت تالي اعلينه
***
مايك دجله نبع ابروحي
ذكرى الضلت
روحي انشلت
انت الفرحه وانت اجروحي
اتنوح ابروحي نوحك نوحي
شمس ابلادي هلي اولوحي
جوع امخيم
خوف امغيم
بغداد الورده الماذبلت نهضي اوفوحي
اعراق الثورة اوبيه ابنينه
غرگت هذي الدنيه اوبينه
