* علاء الماجد

اتعطشني بسموم الكيظ 

واشفافك نهر

وشوكي الك ليل 

بسواد اعيونه مدفون الكمر

 وعشكك عذاب وظيم 

وآهات وقهر

بس كلبي ينتظرك تمر

 فلاح يترجه المطر

 شاعر وجافاه الشعر

 رسام والالوان بيده تحولت 

نار وجمر

 بحار ماعنده خريطة وبوصلة

 ونجوم ماكو بالسمه

 واعيونك السوده بحر

 ايوب يصرخ ياصبر..

والله مل مني الصبر

 شيصير لو مرة تمر؟؟

شيصير لو مرة تمر؟؟

 ويورد الريحان والقداح

 والجنة تجي لداري العصر

 وتفزز كليبي عصافير الصبح

 حلمان ابقه بجيتك يمته؟!

يمته تدك الباب ويشع الفجر؟!

مو خلص يفلان العمر ..

والله وحك عيناك خلصان العمر

والله وحك عيناك خلصان العمر