* احمد مولى

هايمته تحن وتجيك الدمعة

وتغنيلي برهاوة ليل

وافرح مثل كل سجه يفززهه بضحكته الريل

ورد ردود للشجرة الصفت تجوه للسن الشمات

وشحجيلك للمفارك صلاة الوحشة مو للمات

وكحل عينك صفه كسره خلك لليل

وسوالفك بقت تاخذ بكاية الحيل

بس مرلي والمتيهين لو مرهم عطش ينسونه بولاية

بس مرلي تره فرض العشك يصله بحجاية

ولو مريت اعاتب كل حجي عيونك

واصيرن راي بظنونك

واسولفلك عطش روحي

واخليك تمعن زين بجروحي

عازلك نبي بروحي مر بيه رسالة شوك حته انشرهه  وي جيتك

وطب الجنتك بسكوت وصير بكل كتر بيهه

وزرع كاعك المعتوبه صار اسنين وافتح كل سواجيهه

اريدك تبقه بعيوني وعلى الصفنه تظل معكود

العلك بالحضرة من ينشد يفك شجم كلب مسدود

وارد ردود

يم رسمك

ياصورة التصبرني وانه شايل صور بالبال ماتحمله كل حيطان

العشك مايعترف بس بحجي البيبان

الزرع يرضه بشحيح الماي بس يفرح لون مرة بحچي النهران