*   ناهض الخياط

ردوا ردوا منين ما جيتوا لأهلكم يا غزاة

يا ظلام الكون وأعداء الحياة

ردوا .. ! هاي الگاع حرة بعز اهلها

وأبد ما يكدر نذل منكم يذلها

ولّو عنها ابعيد ما إلكم هوا اتشمونه منها

وبين أهلها أبد ما إلكم مجان

ردو ردو خاب ظنكم

وخاب راي اللي اشتراكم

وجنّداكم يا لئام

ذياب تعوي بالبوادي بالحلال وبالحرام

ردوا ردوا

إحنه تاريخ ووطن

شالتَه الدنيا على اجتوف الزمن

سهول وانهار وقمم    نور افكار وقيَم

وبالقلم

كتْبته الأيام للدنيا شِعار

يا عراق

يا وسام العز على اصدور الرجال

ويا بطل فرسانها بسوح القتال

شاف ( داعش ) بيك أركان المُحال

وبيك شاف المرجلة بعنوانها

ردوا ردوا

ذوله إحنا

وها ي كاع الخير إلنا وذوله اهلنا

وهذا بيرغنا اليلمنا   بحضن وحدتنا وشملنا

جوّه شمسك ياعراق!