* طارق حسين

 عندي صديق اسمه ( نجم )

نجم .. جان ابلا سمه وينعد نجم 

جان أبوغيرة وشهم 

مو مثل شبه الزلم

اشكد عليه مرت مصايب 

ماكفر يوم  بخياره ، أولا ببوه 

الوهدنه  بطوك الحلم 

نجم صار اسنين غايب 

من عرف حارس سماه 

هوه هوه الجان  أمس

 يثني العزم 

مبارك بطرك الاسم 

…………..

نجم ياضي النفق  وبشارة  الثوار 

ياسايق قطار الموت

 ومشاكك وحيف الصوت 

عيب اتموت

 وانته بحيلك المبخون

 تدبج عالسجج وتفوت 

تغسل كل بكايه  العار 

أحلفنك نجم 

 بعصابة (أم إنجيم )

رد الديم 

رد الديم

دنيانه امحلت 

والغيم ذاك الغيم 

عاجر .. والرعد مكار 

والوادم خفت .. مو نار

شالت ضيم يابو الضيم 

………..

أدريبك شهم  ماتكسر الخاطر 

أهي ساعة زعل ماتوصل لباجر 

ربعك هاي ربعك .. كلهه تتلكاك 

بس كونك ترد ..ونكول للخلان والعدوان 

هذا  انجيم 

زق  الغيم 

بمية الفرات الماروت كافر