* طارق حسين

المدن كلها مقفرة 

والشوارع باردة 

ومابيها حس 

مثل مكبرة السلام ، النومة بيها 

ابلاسلام  ولاكلام

وانته كل عمرك كهاوي ، وثرثرة 

لحد ماتنام 

يالتدور على الدهشة 

الدهشة  بعيون الأرامل والأيتام 

   *      *      *

انته ماتكدر تعيش بغير جلدك

جلدك مدبغ بملح العراق

لاتغرك بهرجة الشوارع والأضواء 

الليل من يكبل عليك ..

وانته وحدك ..وحدك اتصارع غربتك 

بغير ماتدري تموت 

الوحدة موت 

الغربة موت 

والصوت مايسمعله صوت 

*       *         *

اهناك ..ماتطلع شمس 

اهنا ..ضوه الفانوس يضويلك عرس

وصفكة احديثات ترس الجف ترس

مالك ومال اليكوله البير كامو 

( أصرخ قائلا إنني لا أؤمن بشيء وأن كل شيء عبث )

البير كامو درس ، بس مو أول وآخر درس