*   عبد الكريم صالح العامري

سنيني مراجيح بهوه

يتطايرن يحباب

طشار عمري غده

صوغة بذهب تيزاب

ياهو اليلمني بعد

شمعة وضواهه انساب

فرهود صار العمر

غزلان بين ذياب

منذور من الزغر

اوفي وتخون اصحاب

فرحان گلبي الطفل

بيد الحبيب انصاب

كاتلني سيف الغدر

يوم الصرتله گراب

يطويني بيده طوي

طوي السجل لكتاب

وابچي عله مايه بچي

امطر امل يسراب

تكرب وضوگ العسل

ماي العمر يرضاب

خليني احضنك حضن

ورده وعشگها تراب

بسك يكلبي الطفل

تعشگ بلايه اسباب

لا لا تغازل بعد

حدر الجرح عطاب