* حسين جهيد الحافظ

(1)

حضاراتك شمس

والليل خله اشما يطول الليل

غربيل وأبد ما يوم

ضم عين الشمس غربيل

(2)

صح بيك الألم ياكل

إو صح ثوب الحزن غطاك

حيل إو شرغد ابنشوه

بس طيفك نهار

او نخوتك نخوه

طائر العنقاء انته

من تحت الرماد إتگوم

عملاق أو صگر شلوه

(3)

طبع صنديد طبعك

لا ترهبك هل حثاله

عنبر المشخاب انته

إو همه ..

همه إدنان إو نخاله

صيح بيهم

يللي صوت الدنيه صوتك

فزز أصحاب الثمالة

(4)

عراق انته او عمايمهم

عمايم زور واتشابه ضمايرهم

إلهم حيل لا تعتم

بخت قديس إنته

إبشارته امحزم

شد حيلك ولا ترتاب

كلمن واكحك يندم

(5)

صح !!

حشموا كل الحثالات

او اجوك

كل قصدهم

چانوا إيسوون جناتك خرايب

يخسه ظنهم ..

انته جنة عاد ما بين الكواكب

(6)

سكروا إلحد الثمالة

إو حلموا إيفرقون ناسك

عمده وإيتيه الامان

ما دروا گاعك نبي ..

او ناسك حنان

اهناك توما

غاد كاكه آزاد بلوطة محنه

اهناه علي أو عثمان

إو ما دروا آزاد دم

إو يبقه إو علي الشريان

عثمان يعني وطن

إو توما يعني أنسان

(7)

طبعك نبي

والناس عندك ناس

چلمة وحي

إبلب الضمير إحساس

(8)

زلمك زلم

شريان

دم

إو أصل

والغيرة عراقية

حب الوطن بيهم نبض