*  طارق حسين 

وحدك .. بالسره واكف عدل 

وحدك ..تسأل وماتنسئل 

هيته ..والشاطر البيهه 

 يجلب براس الحبل 

الجمع كله تقدم ..

وأنته ذاك أنته المرابط

 لاتجل ولاتمل 

تنتظر حكم العدل 

والعدل مال.. العدل 

كلي جايمته تصل ؟!

*       *       *

زحمة والوادم كثر 

والصبر  مل الصبر

انته اذا رايد تعيش

أقره واقعنا الجديد

وابدي من راس السطر 

*       *         *

راح كل ذاك التعب 

وصفت للعنده الجعب 

والجعب بيد العميل 

وين مامالت يميل 

وأحنه سوونه سبيل 

لليروح ولليجي 

والخطب ذيج الخطب 

*        *         *

كوم شدلها الرسن 

 وغيرها أولا تستجن

بالمزن تكفع الكاع

 والفطر يرثي السجن 

*       *           *

ساعة الثورة اوجبت

و أمل راحت مااجت  

شلون بصرك نبقى هيج 

مثل بيضه بجعب ديج 

كافي مو صرنه حطب