* الشاعر صادق الصافي

انه طير الكسر جناحه الهوى وذباني عنده 

انه قيثارة بتوالي الليل مكَطوع الوتر محد يشده

مامش بروحي سوالف ولا حلم ينشد وانشده

والله لو عكَد الهوى المجبوح ينسد جنت اسده

انتَ الما بكَت بالروح كل جلمة بعد بس جلمت انتَ

وانه كل ليلة اودي شموع عرسك واحسبك عريس

وانطي بشاره للكَالالي شفته

شنهو عكَد الهوى شماله ؟! هاي زفاته شكثر

بالحلم لو كَال هاي الليلة زفته

من جفن عيني لسوي ادفوف الك 

ومن شرايين الكَلب محبسك صغته

هذا كَلبي محالل وموهوب الك 

بس لا تكض يفلان بته

فدوة بهداي المعاتت والكَلب ما بيه عته

وآنة خايف ينكَطع لن هوه أنت

أنت المابكَت بالروح كل جلمة بعد بس جلمة أنتَ .