خطواته العصر..
عبرت الشارع خيال ابيض../
خطف لون العباية او بدّل الاسود
خطواته العصر..
بيهه العمر كله ركض حلمان..
باس الهور بالكَصّة../ َرد الماي الاخضر صابغ اعكَاله..
إوعله اشفافه الكَصب ورّد
رد/ إوجد ازيرج /علّكّ الشارة اعله صدره الطين هاي اعماره ياجبار..،
وكَفه الموت..بس يا موت..،
_موت الميّت ابثوبه الحلو..حايط سومري ظهره..،
ولا طويه مخده ابموتته اتوسد…
هذا الموت كلّه انعاس ..ابوك الكَال..وانتَ اعله النعاس أزود
شِلك بالنوم وانتَ ابنومتك مسعَد..؟
ياطيف اليشيلك عالرمش مروَد..؟!
خلص كل الكحل والعازة شبكَاتك..،
تنكَط عالكَلب وابعَد
خيعونك ابسر /احفيظ / أُمّك دفنت اكَماطك وابلمع الذهب تنشَد
شنهي الموت جذبَة..او مازحَك هاكَد حلو..والزايد اتفرهَد
تحنن غيببتك كل طيفك..،
وامنين المنام الليلة يابستان بيه الروح بوسادة جمر تبرَد..؟
