حچيك نغز ليش وياي…..

وآنه اللي بودادك صبر…..

مريض آنه وسبب مرضاي…..

ابرّه من الولم لو تمر بيه.

* مو بيدي يعتني الشوك يم دارك يوديني..

* مو بيدي الگلب يهواك وادري بيك ناسيني..

يظالم بطل عنادك..

تدري اهواي حسادك..

آنه بالوصل ارجاك وانته بهجر تاذيني

* مو بيدي الگلب يهواك.. دومه يلهج باسمك..

* مو بيدي اريد انساك.. يمر بخاطري رسمك

وأرد اقره مكاتيبك

وأتيه بشوگك وطيبك

وكل ما ابتعد عنك يظل طيفك يناديني..

* ارد وجدامي تتعثر ولملم شوگي وآمالي..

صحيح الما اله اول بالحب ما اله تالي..

بعد ما امر عله بابه

رسايل شوگه چذابة

چنت غلطان بوداده حسافه ضاعت سنيني..