* ثريا الخميسي

ياكمر مجنونك اني 

ادري غلطانة هويت 

أبقى مبعد لا تگرب 

كل شي منك ما جنيت 

خلص حبك ما أريده 

طحت من عيني انتهيت 

ومن تعاير بمصالح 

وانت تدري 

نفسي حرة مادنيت 

اني أعرفك. منهو انت

شنهو جابك .ليش اجيت 

كافي كل چذبك كشفته 

عهد واحد ما وفيت 

يا گمر مجنونك اعرف 

تهت بدروبك عميت 

قصة الحب انتهت .حرة اني 

حبست دمعي وما بچيت 

الباقي عندك ما يهزني

اني هم مثلك نسيت 

بسمة الشفة اختفت 

جمرة أشواگي طفت 

شنهي ردك ما تگلي 

بعد ما رحت وجفيت

يا گمر سولف واسمعك 

شمس بعدي وما طفيت 

الشوگ ردك لا. تچذب.

بالهجر انت البديت 

ساكت. اتذكر كلامك 

گتلي اموت وما افارگ 

وانت اول من سليت 

ياگمر شمس بمكاني 

نجم عالي وما هويت. ….