جان عطرك..
دكَة الباب العصر../
ينسمع بالروح ،همساته خيالك..
لو نسيت ..،
امن الخجل بطول اصابيعك تِدكَ
جانت العتبة..،
تفيض ابرشّه من ماي الفركَ
جانت
النسمة
ابرسم
طولك..،
تمر ثكَلانه بحزام الخصر
آنه اجيها اركاض وآنه المنسبك
جانت اكَلوبات شارعنه عتيجه..
والخلكَ سوله يِبَدْل اليحتركَ..!
يا عشك جا هسّه شنهي اليعتلك..؟
……
جانت الترجيّة..،
تتهزهز عله الخدّين وايفز الكَلب
هسّه ترجيتك لزك..!
لا بعد جلمة / أحبك /..
تشمر الوردة او حِسنها امن الحلِك .
……،
ياعشكَ هَم ظل عشك..؟!
