وعاد لي بعد هجرِ وعزوف
طالبا وضع النقاط على الحروف
ياحروف؟
ويانقط؟
او وينه هي الحروف
ونخلي فوكاهه نقط؟
او وينه يمعود صحيحك؟
انت موكلك غلط
بعت ابأرخص ثمن
وخسرت وندار الزمن
لاتظن بعد اشتريك
اتلفت اوسوكك ——-
جايني اتصلح الحروف؟
ياحروف؟
اويانقط؟
نسيت اشكد نصحتك؟
وكم مرة اغفرتلك؟
موكلتلك هاي عينك
وهذا ابيض
اوذاك اسود
ولاتظل وسط الوسط
وخلي كلشي ايصير واضح
وصير مرة وياي ناصح
وجوز من هذا النمط
ياحروف؟
ويانقط؟
حرف زايد صرت انت
ومن بعتني انشخط
ثقافة شعبية
