شمتانين ما نتراضه شمتانين
من عدنه الزعل ماخذ حفنت اسنين
صرت اتراب ذرني اليالي السود
تعالي بحضنه من عندج واردلج طين
تعالي بسرعة شتانين
شتانين!!!!
من يوم الرحلتي وسار جدمج ….شوف
عيني هناك يم اثارج مجلب
لميني لان مليت أظل مطشوش
اي والله شتهيت انحب
يالبالج حجي معرسين
اندلج واعرفج زين شتريدين
ما حاجه الخجل يا بنت مي العين
انه وياج مثل الشمع وَيَا الخيط
يامه اثنينه احنه انعيش
او اثنينه الميتين
شمتانين
!!!!
انه وياج مثل الشعرة عالشعرة
بضفيرة شوك ملتفين
تذكرين يوم البي تفاركنه كبل سنتين!!
تذكرين!
ابوكتها ورافكت لمحمداوي وناي
اي وتزاعلت وي طور المغنين
خل اتصيبني الوعات
أهو الشراع ما يكبر اذا متصيبه هبت الريح
ما تدرين. !!
شما ضنج ولا تدرين
ما تدرين