شكد بسطت جفوف اديك وعلمت ناس العمل
شكد رسمتلهم أمل
وشكثر كلبك جبير ويحمل اعتاب وزعل
تصير بالملكه ابتسامة
وتفرش عيونك محطة
لكل مسافر كلبه تايه ينجمع بيهه الشمل
لا شعرت بخيبة الدنيا وغدرهه
ولا شكيت من الملل
ناس صاروا (هاي لايف)
وانته بـ (التاتي والتواتي) طيبتهه من الشلل
ناس مليانه علل
ناس ماتعرف (الجك)
وناس ماتعرف (البك)
وينضرب بيهه المثل
صاروا بجالك قيافة واتكيت
ومنطق وسطوة وشلل
الذنب مو ذنبك انته
الذنب ذنب المايعرفون الخجل