الى الصديق الاعلامي  علاء الماجد

ياصديقي ياعلاء
هذا من ربك بلاء
هواي كبله الي تنكر
وجان يمي ذاب انكر
ومن شاف روحه صار الاشطر
كام من يمشي ايتبختر
هواي كبله الي تمرد
هواي كبله يابو احمد
من رجال ومن نساء
ياعزيزي ياعلاء
****
ابد ممسوي ذنب
اعمه ودليته الدرب
يكره–وعلمته يحب
تالي جازاني ابجفاء
لاتعاتب
ياصديقي ياعلاء
****
فارغ –اشكد ماتكبر
انت تدري منو التكبر
وزين تدري مني اكثر
واضح ومو ثوبي الخفاء
يابو احمد ياعلاء
****
رمل ساسه
وكبر راسه
ونكر ناسه
(فحل توت)
او ابد ما منه رجاء
شيله من بالك علاء