صارت الشغلة صدك
راح احنه نفترك
راحت ايام الجميلة.. الجان يمليها العشك
بيها جنت انت حبيبي .. وبيتك بنص الكلب
وك حتى كلبي يدك خفيف يخاف تكعد من يدك
جان فاهم كلشي بيك وجار لطباعك خلك
تصعب ايامك حبيبي وعادي مرات تختنك
تلكه كلبي دكول نخلة..
حتى لو بالصحره جانت تعرف اتوافي العثك
جنت ابوه وامه انه ينجرح ابجي ابمكانه
يضحك وتضحك عيوني ايخون بس اعشك حنانه
جازه بل ماجنت احسبه سحب سجين الخيانة
والله انه مدري احلم اوخانت اعيونه الزرك
راحت الشفة البريئة ومشكت من المطك
و الصراحة الصوج بيه فتك بثايه شفت
هاجس احساسي المراهق اتحرك ومتحملت
كلت اروفه
ورحت اخط اسمي وحروفه
غزل نايم بلعشك وانت بس تنانيتك اني
ومادريت انته اناني
اوثاري مو كل ساكت اخرس
لو شفت ساكت حلك
والجمر لو شفته خافت اتأمن اشلون الحرك
خلي بالميزان عقلك ..
تكدر تشوف الفرق وماحو شي اسمه عشك
ثقافة شعبية
