في الذكرى الـ(83 ) لميلاد الحزب الشيوعي العراقي :
(اليوم الاول)
هذا الليل اونن بيه
ليل الجوع شيكضيه
جتفي من اللبن .. داغات صارت بيه
ادبر هاي …ذيج تروح
واتحسر عله الدشداشة والجاكيت
عمر خلصته لا شخاطة لا باكيت
مو مليت
بعد ما اعرف التفكير
وبتالي العمر شيصير
والبطران بيه يلوم ..
اترك ساحة التحرير
جا ..هو حزب لينين بي تقصير
 (اليوم الثاني)
وحك راية علي بصفين
احنه ويه الحزب ماشين
روح ابروح ..صار اسنين
اخوي استشهد ابتشرين
ابوي بثورة العشرين
وانه وي الشيوعيين
عامل طين
احمل لافتة لينين
واحمل حزب …
عمره تلاثة وثمانين
(اليوم الثالث)
مشينه بدرب ما مديوس
بي غيره ،وشهامة ومرجلة وناموس
وادمنه نغذيهه ..
بشكل علمي وفكر مدروس
ومن ننجرح ما نركع
ولو نسمع …
صريج ضروس
نهتف للوطن للناس للتغيير ..
ونشيل الجرح فانوس
واخيرا اقول:
ذمة بركبة الدفان
اذا انسان
يكتب عالكبرعنوان
كبل هالموت …
مات بنكرة السلمان