عندما عاش الحبيب في المهجر لجمع المال لغرض الزواج من حبيبته وعاد الى موطنه، ورآها متزوجةً من اخيه قال :
من ياباب اجيتي جيتج من الباب
كبل دكيته جانت نيتي اتقدم
بحلم بت بيت جنتي وجيت الزافوف
وشفافج خجل كل لحضة تتبسم
الخلل جان الفقر بس العشك يغنيه
جنة انلم بعض بس المهم ننلتم
حسبة بالج الماحسبت خوان
دكتج مدري دكته وياي ماترحم
جف البي حلقتي ابجف اخوي يصير
جفج ليش من يخون بس عالدم
ابعتبت بابي صار اعتابي يطلب ثار
وتدرين الوفه من العرس يتقيم
القاضي ماسالكم غصب لو راضين
 نعم كلتيها بس السانج اتلعثم
تغشيني وعليمن بركع مغشيج
البايك روحي ليش ابطبعه يتلثم
امي الهلهلت لو تدري عظت ايد
ودري امي ابكلبها اشضامه وتعلم
دمعها انطش قهر من طشو الجكليت
وآنه اتلوج بيه احلوك ماترحم
وردج جي ذبل لاح الفراش العود
وعلى الحاضر يجيج المشتهاته ايشم
المبدله الطبع موصعبة تنزع ثوب
شما نزعت جلدها الحية تبقه اتسم
ثوب الطيبة ليش امن الطعن مفتوك
وليش الي بنيته امن الاخو اتهدم
اجيتي ابطاري يخنك خنكة المسجون
ابريتي وما اظن اهواج بعد اشتم
شعذر كاموا ابعذريتج ايهوسون
جنتي ابالي قدسيتج مثل مريم
انكشف جمارج اسود ثوبج امغطيه
بدلتج بيضه بس انت ابخيال اضلم