بنيه بت ريف تحبلهه شخص تلتقي بي على النهر من تروح تجيب ماي بيوم من الأيام .گالهه باجر أجيچ خطابه أثناء الكلام .شافهم اخو البنيه سحب مسدسه كتل الولد .البنيه التفتت على اخوهه گالتله
خويه وغيرتك باچر يدك الباب
مايعرف يحب والحلقة شاريهه
گلي عله نهر باچر تجيچ اشيوخ
تسكت روسهه وتحجي بخواچيهه
فجأة وبومه چهبت والسمه مناغات
غنت والفگر كله من اغانيهه
شفتك والكحل راح ويه مجره الماي
مطرت والنهر يشرب بواچيهه
بي من صوبت فاض الدمع شطين
خرب. ديرتي وطشر معانيهه
اليتيمه بلا محب مو ب الابو مرات
مرات المحب هوه اليربيهه
مرات المحب يدافع ويالريح
اذا نسمه بثكل تكشف تراجيهه
الكصبه الماتعجبك تطرب الفلاح
والتغث الزرع يگطع طواريهه
المنجل من يحن لازم يشم اخضار
الدله السومرت من زود راعيهه
تره ريل النوارس ما يمر عالماي
خايف يلتقن والفرگة ينهيهه
اشجابك للنهر صوب النهر للشوك
الجاي بلا عزيمة شلون يكضيهه
اعرفنك يعضم الهدهد أمن تغار
محطات النهر ما تستلذ بيهه
ثقافة شعبية
