ادخل ..
لا أظل بالباب
البيت بيتك
وانته بي تنهاب
ادخل
 ياهوى الخمسين
والستين
والسبعين
بعدك شاب
انته الحيل يابو الحيل
ومن حيلك نمد اجسور للغياب
……………….
فهد من دك أساس البيت
راد البيت يجمعنه
واحنه بغير هذا البيت
مامش بيت يوسعنه
بخت ..هذا بخت
يرادله 
ودنيا ابلا بخت
مابيها كل معنى
…………………..
فهد يابوي ..
بعدنه بسجتك ماشين
وبعدنه نزامط بلينين
وبعدها الناس تسمعنه
……………….
ووعذرنه ..
لون مرة انتجينه اعله الرمح
ومدينه ادينه انصافح العفنين
جان الليل ..كلش ليل
والظلمة الثجيلة اتجلجل اعله العين
لجن طبع الأصايل من تكع للكاع
تكوم بحيلها  وترتاب منها اسباع