رائد ابو فتيان
حضر عتابك محرم هم اجاك
لوم بالما لامه ربه اعله الجره
باب رزقك هذا يا طف ياكفيل
غالط اصحاب القدر والمقدره
فرق بين الجاي تحجيلي عليه
وبين عباس الطلع من حيدره
هذا واحد مو وفي عاف العيال
وذاك حاماهه بادين امبتره
بامتحان الكنطره وعمره الزغير
جيوش يمه وشبر مارد ليوره
وهوه شال السيف بداهه الرجال
موش سيف تكول شال الكنطره
جسر فوك الكنطره صار الكفيل
الراد يعبرهه عبر للاخره
الراد يعبر دمه خط احمر جفاه
الغيم ذاك اليوم واكف ماعبر
شكبرهه جان بهاي؟؟ ما اكللك صغير
جان بعده هلال ماصاير كمر
بهاي شاهد لليشكك بالكفيل
بهاي عبره وتعتبر بيهه العبر
كنطره وما عافهه ومواخته هاي
شلون اصدك عاف زينب من كبر
اعمق الموضوع من ماي الفرات
ماي بس ياماي زينب رادته
الجربه سطحيه وغباء عند السهام
ماي ثاني تريد ذاك بكصته
حاشه للعباس ميموت بفراش
الشهاده تلوك اله وهالوصته
المؤمن يزيد ابتلائه بهالزمان
وهوه امام شلون يكعد مستريح
انتفض طاحت ناس
لموو غير ناس
طاحن جفوفه
افرحوا كالوا جريح
صوته ذو الفقار
متهمه الجفوف
يصيح
انــــــــــــــا العباس
والوادم تطيح
هناك ذب جفوف كرمهه الاله
ودمهن اللاح الأرض خضر ضريح
