ايهاب المالكي

بحركه توادع العباس ويه حسين
موادع غالي راح يوادع الغالي
 صبروا مابجوا بس كبل لا يمشون
واحد حس بالأخر دمعته تلالي
 الهوه بيناتهم ماطب وكف علا
يتطاير دمعهم بالهوه العالي
بجه حسين وفتح ذرعانه للعباس
 بغيرك انه تخيلت حالي
انا عطشان صح بس ما شغلني الماي
 لكن لو تركتك ينشغل بالي
كل الطف الك وين التفت وانساك
 انا الصامت عيوني وضايع هلالي
ما اهتم اذا رديته خالي الجود
حاجيني بجوادك لو يرد خالي
انا الماحير اشوفك حتى من تغيب
 الك موجوده صوره ننظره اطفالي
 اخذ من عندي جف وجفي اللي تخليه
من عندك اليه وذكرى يبقالي
وذني جفوف اديه وانت بكيفك اختار
 ياهي تريد منهن يمنتي شمالي ؟
كالوا تنذبح من القفى وهزيت
 اديه وجاوبتهم ظهري مو خالي
 العباس بكفاي وينعبر ويفوت
 واحد يم ركبتي وسيفه يدنالي
لكن من كلت عباس راح تروح
 هسه انكشف ظهري بوجه كتالي
 اشكلت عباس رايح حتى اوصي الريح
 عكبك عل الخيام تناطر اخيامي
 حلف عباس واقسم كله تبقى حسين
 اطب بيهم وبسمع افعالي
سأطعن في عيون الشمس سيفي
لينقطع الرواة عن النزال
 فقد علقت في سيفي رؤوسا
معاندة فلم تخشى نزالي
رأوني قادما كالرمح حتى
 تباعدت الرجال عن الرجال
لأترك جيشهم للأرض صوتا
وينبعث  الانين من الرمال
 فلو لا انني رجل محال
 لما فكرت ان اصل المحال
اذا ماموت بالطف منكطع جفين
ما تغمض عيوني وموتي يهنالي
 انا لحتى الجواد يكلي ياعباس
صول وشيل اديك من الرسن مالي
وكفت اعله النهر وتحسرت مولاي
 ذاك الهوه بالطف كوه كفالي
وشفته العلكمي وكتله دون حسين
 تعمه عيون مايك كون يهنالي
انا شفتك بظلي وردت أشربك ماي
 وتراويتلي انت بصوره خيالي
عدهم فكره بالكنطره اشسويت
طشاره ركبهم مالهن والي
لذلك والدليل بهاي راح انطيك
 مصداق لفعلي ولشعري وأقوالي
 من التالي ابد ماصاحوا العباس
 لأن يدرون أبرز أول وتالي