رائد الفريجي
نـصـب للـشمـس خـيـمه بـكـربـلـه الـعـباس
وطــش روحـه كـمـر ضـيع اثـر ظـلهه
زيـنـب صـح شـمـس بـس شـتـضـن عباس
حـــــي ويـــكــــدر أي كــــان يـنـد لهـه
تـــرى الــعـبـاس نـسـمـه بـريـة الـزهراء
مــــو زيـنـب حــيـاة الـزهرة كـافـلهـــه
جـــي زلــمـه الـخيـال ورافـك الـحـوراء
لــذلك كـمـر هــاشـم يـسحـك بـظـلـهــه
لهوى من يعتني الزيـنب يـحسب حساب
عــلـي عـباس يـشـرط نـسـمه يـوصلهه
لـمـراجـل مــو وراثــه ســولـه بـالعـباس
واهــس مـن زغــر بـالـروس شايـلهــه
رسـم روحـه بعلي من مـر خيـال اللـيـل
واخـذ صـورة اعله طول الليل شاعلهه
عـتب زيـنب عـلـي ما جان ابـد عالماي
الـعـطـش مـن ماي ابد ما جان شاغـلهه
زيـنـب تـرتـوي بـلـمحه من اثـر عباس
فــكــد عـبـاس هـــذا الـظـال كــاتـلـهـه
كـلـمت موت سيـفه تـمر عـلـيهم خوف
مـو بـالـظـهر وجــه بـوجـه كـايـلـهـــه
امــان بكـلب زيـنب مو نـبض موجود
مـا يـطـلـعلـه صــوت أيـاشر ومـسمـوع
كبل لاتحجي حتى بروحهه الحوراء
اعـتـبـر عـباس نـفـذ ونـتـهه الموضوع
مـا جـانـت تـمر بـعـيـون تـحلم طيف
درب احــلام زيـنـب بـالـكمـر مـكطوع
لرفع راس الكمر مو رمح فوك الروس
لابـعـيـون زيـنـب راســه ظــل مــرفوع
حياء بصوت زيـنـب يشبـهه الزهراء
مـادك بـاب اذانـي وبـيـهـه كـسر ضلوع
