قاسم شنيشل
أشد ظنوني ويگطعها صوت السيف
ورجع دمعتي ويبوگ حيلي الحـيف
وابرر غيبتك والمشكله اليحچون
برضاتي وياك لمن جيت
بس هو الحزن مو كيف
واطيب ابريحتك والمشكله اليدرون
علي مربيني للخطار وعزبت بخيم للنار
ومن شافو علو الدخان ماكالو لفاني الطيف
يااااااعبــــــــاس
سولفلي شبعد بالسيف
ولو هيه الركاب اهواي
ولو طاريك ظل وفاي
ولو جفك اگبالك جاي
ولو وتأخرت بس جيت كصتك منها طايح ماي؟
شني خاف النهر عطشان
روه وتعذرت وياي
وشسولف واني بيه اهواي
هدو من غيت بس رجعتهم بيك!!
على صدر الهوى ظليت ارسمك جاي
ياااااعبــــــاس
لو عايف ركبهم من صلت عالجيش
ومكطع لسنها عداي
مابيهم زلم لا عفة النسوان؟!!
حرت شوصف شعدهم تاه بيهم راي
المهم خلينه منهم وارد اسولف بيك
يل ضحيتلي فدوة لك روحي تهل
يالمضحي الوفة كد الاسهام البيك
بكثر ما خبز حيدر لليتم يعزل
رحت وحساسي صاحك موش لجل الماي
ظنون بروحتك ظلت بروحي تحل
وين اطيح مو يرادلك كاعين
وخفت من طيحتك خاف السمة تنزل
وانه كتلك تعدو بس وحقك لا
نذلهم ما كدر بالستر خيط يفل
وموش جفوفهم عالت ورادت موت
ترى مرورة لسنهم ياكمر تكتل
ونيته يغيظ جرحك باليكلك هااااا
اختك والسباية انشاف منهم ظل
وحق عينك الراحت فده تجيب الماي
شرف عالكاع تمشي اجدامنه وتشتل
