كرار وحيد

ماكو امان الطف نهبني
وحته ماباكتني ناسي مدري ناسي
من طحت ضميت اديه حته ماينباك اصبعي
تلمست مبيوك راسي
نايم وجسمي توزع حصه حصه
ومو شرط واحد يطيح تبوكه ناس
حجارة باكت مرة كصه
والله نفسيات عدهم
باكو المحبس اكبالي
وبالخيم وشلت بواجي
ومن مشو واحد صحتله انطيته اصبعي
بس كلتله بذمته الياخذ تراجي
بكوسر ضلوعي حوافر صلفه كعدن..
خربن فيي وجزن..
مايريدن بس يريدن دوم تجويهن شمس..
خربن كل شغل امس
نمت بالطف والله حيرة
درت ايدي بصفي الاكبر
درت ايدي نايم بصفي عرس
اشتهيت الله وطحت بالطف وذر
وهمه فزعولي ضرس
هناك بالطف كل اصابعهم سوه
اشرو كلهم عليه وطفي خص
تمضمض الطف بهل بيتي ومن شرب عبد الله غص
وبحوافر خيلهم سحكو صبح
اكو وادم شبر ماصعدو ل الله
وانه صاعدلي رمح
…كربله كاروك النه والله هزاهه بنحر….
كلشي بالطف باكني
سهم بايكله نحر
باكو احزامي اللبسته
روحو حلفو الماي بايكله ضهر
همه سبعين الف ليل
واحنه بس سبعين شمعه وعدنه بالطف بس كمر
نايم وروحي تهبت والعطش بيه فرش
شمعه خلصت شمعه ذابت
شمعه بيدي مكمطه اشتعلت عطش
الخيم وجت والطف يسولف هوه
هناك ظهر المشرعه توه التوه
لان ظلمه دروبهم باكو ضوه
وانه وي روحي اسولف
وكت خله البرحي نايم عالتراب ويسحك عليه النوه
واخيرا ارد اكمل وارد اوضح مساله
لليحب الله صدك
الله داينكم نحر ردو اله